Gutt informéiert sinn iwwert d’Energiekris an de Klimaschutz
Déi energeetesch Grondberodung ass neutral a gratis an erméiglecht et Iech Äre Projeten am Kader vun nohaltegem Wunnen an nohalteger Mobilitéit unzegoen. Esou kritt Dir zum Beispill gewise wéi Dir Är al Heizung duerch eng méi ëmweltfrëndlech Léisung ersetze kënnt oder Stroum mat Hëllef vun der Sonn kënnt kreéieren.
Et ass eng Kooperatioun tëscht Ärer Gemeng an der Klima-Agence, Ärem Partner fir Energie- a Klimatheemen.
D’Zil vun der Berodung ass et, Iech iwwer folgend Theemen ze informéieren, ze beroden an ze sensibiliséieren:
- Energiespueren am Alldag;
- nohalteg an energeetesch Renovéieren;
- nohalteg Bauen;
- Heizléisungen fir Äert Doheem;
- erneierbar Energien;
- Kreatioun vu Stroum an Eegeverbrauch;
- elektresch Mobilitéit;
- den Energiepass;
- déi verschiddeSubventiounen.
Äre personaliséierten Energiecheck op Rendezvous
Déi perséinlech Engeriegrondberodung ass entweder direkt bei Iech doheem (just bei Renovéierungsprojeten) oder iwwer Videokonferenz, resp. Telefon op entweder lëtzebuergesch, däitsch, franséisch oder englesch. D’Käschte gi vun der Klima-Agence an Ärer Gemenge iwwerholl.
Huelt Iech nach haut e Rendezvous!
Weider Themen:
Energiekooperativ Kanton Remich
D’Energiekooperativ ass eng Ekipp vun engagéierte Bierger aus de Gemengen Bous, Duelem, Lenneng, Munneref, Réimech, Schengen, Stadbriedemes a Waldbriedemes.
Missioun
Fotovoltaik Anlagen op Diecher vun ëffentleche Gebaier installéieren a bedreiwen fir esou erneierbar Energie hierzestellen.
Deelhuelen
All d’Bierger aus dem Kanton Réimech kënne matmaachen iwwer eng finanziell Bedeelegung un de gemeinsame Projeten
→ Déi minimal Bedeelegung ass 100 €.
→ All Member vun der Kooperativ huet natierlech och e Stëmmrecht.
Méi Infoe: www.ekr.lu
NEWSLETTER 2024-04
Léif Kooperateuren, léif Frënn vun der Sonn,
No eiser Info-Versammlung zu Lenneng, si mir frou e puer nei Kooperateuren an eise Reien ze begréissen. Ier mir de Projet zu Kanech realiséieren zéie mir d‘PV-Anlag op der Schoul zu Munneref vir well deen Daach am Summer erneiert gëtt. Mir hunn interessant Offere kritt esou dat dëse, fir eis grousse Projet am Summer 2024, realiséiert ka ginn.
Duerfir maache mir op dëser Plaz en Appell fir Iech och hei nach emol finanziell ze bedeelegen: d’Anlag kascht +/- 86.600 € TTC a mir hunn am Moment nach net genuch Sue fir de Projet ze realiséieren.
Fir eis ze ënnerstëtzen duerft dir och gär Reklamm an ärem Bekanntekrees maachen.
D’Gemeng Munneref steet och bei dësem Projet zu 100% hannert der EKR, dat heescht, dat zu kengem Zäitpunkt e Risiko besteet dat ären Invest verluer wier.
Mir soen all deenen elo schonns Merci déi der Kooperativ erméiglechen eng weider Anlag un d’Netz ze bréngen.
Des weidere maache mir iwwert dëse Wee en Opruff: mir sichen 2 Keesekontrollere fir och esou nach méi Transparenz an eis Aarbecht ze bréngen > Kandidatur per Email op: info@ekr.lu.
OekoTopten.lu ass en Online-Guide mat Informatiounen a Rotschléi iwwert d’Spuere vun Energie a Ressourcen.
Hei fannt Dir Informatiounen iwwert elektresch Geräter an Autoen, Handyen, Heizsystemer an aner Produiten a kënnt dës per Klick no verschiddenen Krittäre wéi Energieeffizienz asw. opruffen a vergläichen.
Dëse Projet gëtt vum Oekozenter Pafendall an Zesummenaarbecht mam Mouvement Ecologique betreit, ënnerstëtzt duerch den Ëmweltministère an d’Netzwierk Topten International Group.
(Source: OekoTopten.lu)
Leider gëtt et dësen Inhalt nëmmen op FR an DE. For the sake of viewer convenience, the content is shown below in one of the available alternative languages. You may click one of the links to switch the site language to another available language.
Dans le cadre de sa politique énergétique, la Ville de Remich a créée un cadastre solaire accessible sous le lien suivant: www.cadastresolaire.remich.dev.lightbulb.lu .
Le but du cadastre solaire est de livrer des informations sur le potentiel énergétique (énergie solaire, photovoltaïque, énergie thermique). À l’aide du cadastre solaire a été élaboré un concept général afin de savoir dans quelle mesure une installation photovoltaïque se rentabilise sur divers types de toits, ceci en tenant compte de l‘irradiation solaire, du penchant de toit, de l‘orientation de soleil et de la surface du toit (sans lucarnes et cheminées) ainsi que de l’influence des éléments avoisinants ayant une répercussion sur l’irradiation solaire.
Ce cadastre aide à sensibiliser et à informer les citoyens de Remich sur la possibilité d’installation sur leur toit par laquelle il leurs est possible de baisser d’une part leurs coûts énergétiques et d’autre par de contribuer à un développement durable par l’utilisation d’énergies renouvelables.
Pour plus d’informations et de conseils sur tout ce qui concerne le domaine de l’énergie vous pouvez vous adresser au numéro gratuit 8002 11 90 (myenergy-infopoint de la Ville de Remich).
